БАТЫШ АК-СУУ ЖЕЗ КЕНИ барагынын баштапкы кодун көрүү

'''БАТЫШ АК-СУУ ЖЕЗ КЕНИ ''' Ысык-Көл районунда, Ак-Суу суусунун баш жагында, деӊиз деӊгээлинен 3000–3300 ''м'' бийиктикте. 1971–75-жылдары издөө иштери жүргүзүлгөн. Кен аймагы силурдун диорит, сиенит-диорит дайкалары жана үстүнкү ордовиктин гранит-порфирлери жиреп чыккан ортонку ордовик мезгилинин терриген-карбонат катмары менен түзүлгөн. Кенташ (руда) тулкулары акиташ кабатчаларынын интрузия менен кошулган гранат, гранат-магнетит скарн кабаттарында жайгашкан. Скарндагы кенташ тулкуларынын узундугу 50 ''м''ден 850 ''м''ге чейин, калыӊдыгы 5 ''м''ден 20 ''м''ге чейин созулуп, магнетит, гематит, пирит, халькопирит, коргошун-цинк минералдарын камтыйт. Аз өлчөмдө касситерит, висмутин, вольфрамит, алтын кездешет. Пайдалуу компоненттердин өлчөмү төмөнкүчө: жез – 0,2–2,5%, коргошун – 1%га чейин, цинк – 1%дан көбүрөөк, алтын – 3,1 ''г/''тга чейин. Кенташтын болжолдуу ресурсу 18661 миӊ т, жездики 129830 т, алтындыкы – 7 т.
[[Category: 2-том]]