БЕШИК барагынын баштапкы кодун көрүү

'''БЕШИК''' – наристени бөлөп, терметүүгө ылайык&shy;талган, жыгачтан жасалган керебетче. Бешик бөбөк&shy;тү аздек бакканга, денесин таза кармаганга, тез уктатканга бир кыйла ыңгайлуу. Ал Орто Азия, Казакстан, Кавказ, Иран, Афганстан, Индия калктарында илгертен бар. Көпчүлүк түрк тил&shy;деринде «бешик» сөзүнүн болушу да Бешиктин ба&shy;йыркылыгын кыйыр далилдейт. Кыргызда ил&shy;гери Бешик көчмөн турмушка ыңгайланып, жөнө&shy;көй жасалган: билектей жоон бир кулач ка&shy;йыңдан же талдан эки алкак ийилип, курга&shy;ганда алардын «буттарына» көзөнөк оюлган

[[File:БЕШИК97.png | thumb | none]] жана көзөнөктөргө жарыш чабактар (таякчалар) бекитилген. Жарыш чабактарга узун туурасы&shy;нан аркы-терки сызма тартылып, ага оюгу бар ''олпок,'' жалаяк төшөлгөн. Бөбөк булганбас үчүн олпоктун оюгуна шимек (койдун жото жили&shy;гинен же жыгачтан) коюлуп, алдында күлтүк кыстарылган. Бөлөөдө кыпчыктар (жаздыкча&shy;лар же бүктөлгөн чүпүрөктөр), боортколор (жазы сызмалар), чарчы ороолор колдонулган. Мын&shy;дай Бешикти кыргыздар көчмөнчүлүк доордо уру&shy;нуп келген. Ал терметүүгө ыңгайсыз болгон. Кийинчерээк кыргыздардын арасына атайын усталар тарабынан жасалган жорго Бешик тарай баштаган. Жорго Бешик тал же тыт жыгачынан жа&shy;салат. Узундугу 1–1,1 ''м,'' эни менен бийиктиги 0,5 ''м'' келет. Мындай Бешиктин астына сызмалардын ордуна ту&shy;таш жука тактайчалар кагылып, күлтүк (туну&shy;ке, чопо, айнек идиш) үчүн гана тешик калты&shy;рылат; эки алкагы дого сымал ийилген жазы жыгач болот; бешиктин сабы же аркалыгы (үстүнкү терметкич жыгачы) жумуру жоон жы&shy;гачтан жасалат. Бешиктин эки таманына жыгач карскан (жаа сымал жыгач) ашталып, алар Бешиктин термелишин жеңилдетет. Жорго Бешиктин жыгачтары сырдалып, оймо-чийме түшүрүлүп, кооздолот. Баланын бөлөнүшү эки Бешикте тең бир&shy;дей. Бешиктин дагы бир сейрек учуроочу түрү – асма же жел Бешик. Ал керегелердин башына байланган аркандан жасалып, төмөн жагына бала жат&shy;канга ыңгайлуу орундук даярдалган. 
[[Category: 2-том, 146-225 бб]]