БЕШ-ТАШ-КОРОО БАЙЫРКЫ КӨРҮСТӨНДӨРҮ ЖАНА ПЕТРОГЛИФТЕРИ барагынын баштапкы кодун көрүү

'''БЕШ-ТАШ-КОРОО БАЙЫРКЫ КӨРҮСТӨНДӨРҮ ЖАНА ПЕТРОГЛИФТЕРИ''' – байыркы түрк доо&shy;руна (VII–VIII кылымдар) таандык археологиялык эстеликтердин тобу. Алар Кочкор өрөөнүнүн чыгыш тарабын&shy;дагы Кара-Тоонун этегинде жайгашкан. Аска бе&shy;тине түшүрүлгөн тоо текелердин, ритуалдык бий аткарган адамдардын сүрөттөрү арбын. Тоо текелерге жаа менен аңчылык кылуу көрүнүштөрү, ошондой эле жылкы, түлкү, карышкыр өңдүү жаны&shy;барлардын чегип түшүрүлгөн келбеттери да кез&shy;дешет. 
[[File:БЕШТАШКОРОО БАЙЫРКЫ КӨРҮСТӨНДӨРҮ ЖАНА ПЕТРОГЛИФТЕРИ99.png | thumb | Байыркы түрк көрүстөнү (аты м-н көмүлгөн маркум; Бешташкороо III).]] Сак-усун доорундагы көрүстөндөрдүн көпчүлүгү изилденген. Көрүстөндөрдүн ичинен байыркы түрк дооруна караштуу көрүстөндөр өзгөчө маанилүү.
Алар тоо этегине жакын түзөң 3 коктуда жайгашкан. Маркумдун аты менен кошо коюу салтына ылайык, көрүстөндөрдөн жоокер&shy;дин, аялдын, ал тургай жаш баланын да жа&shy;нынан аттын сөөгү, ооздугу, ээри, үзөңгүлөрү табылган. Ал эми маркумдун өзү гана көмүлгөн көрүстөндөгүлөрдү тирүү кезинде социалдык аба&shy;лы төмөн адамдар болгон деп болжоого болот. Маркумдун баш жагына койдун жото жилигин (чүкөлүү жилик) коюу салты ошол доордо калыптанып, XIII–XIV кылымдарга чейин уланган. Археологиялык эстеликти 1991–1994-жылдары К. Табалдиев жетектеген археологдор тобу изилдеген.



<p align='right'>''К. Табалдиев.'' </p>[[Category: 2-том, 146-225 бб]]