БИЙ (искусство түрү) барагынын баштапкы кодун көрүү

'''БИЙ''' – искусствонун адамдын дене кыймылынын жардамы менен көркөм образ жаратуучу түрү. Бий түпкүлүгүндө байыркы магиялык оюндардан, эмгек процессине байланыштуу кыймыл-аракет&shy;терден келип чыккан. Алгач Бий сөз менен обонго байланыштуу болгон. Тарыхый өнүгүүнүн на&shy;тыйжасында музыка менен жашай турган өнөрдүн бир тармагына айланган. Жаратылыш кубулуш&shy;тарын, аңчылык менен согуш көрүнүштөрүн белгилүү тартипке түшүрүлгөн ыргактуу кыймыл менен туюнтуу Байыркы Кытай жана 
[[File:БИЙ 1104.png | thumb | «Ак марал» мамлекеттик бий ансамблинин аткаруу&shy;сунда «Кызыл гүл» бийи.]] Индияда эң жо&shy;горку деңгээлге жеткен. Байыркы Римде көңүл ачуу, ал эми Байыркы Грекияда тарбия кара&shy;жаты болгон. Орто кылымда дин өкүлдөрү Евро&shy;пада бийчилерди куугунтуктаган. ''Кайра жара&shy;луу'' доорунда Италия, Франция жана башка өлкөлөр&shy;дө Бий кайрадан өнүгүп, коомдук колдоого алын&shy;ган. XVI кылымдын акырында ''балет'' өнөрү өзүнчө өнү&shy;гө баштайт. Францияда королдук бий академия&shy;сы (1661) уюшулат. XVII–XIX кылымдарда ''гавот, полонез, менуэт, мазурка, краковяк'' Бийлери өнүгөт. XIX к&shy;ылымдын аягы –XX кылымдын башында бир катар Евро&shy;па өлкөлөрү менен Америка Кошмо Штаттарында Бийдин жаңы түрлөрүн киргизүүгө болгон далалат күчөйт. Бийлер элдик, балеттик, классикалык болуп бир нече түргө бөлүнөт. Балетмейстер Н''. Холфин'' кыргыздын элдик оюндарынын, ырым-жырымдарынын, эм&shy;гек процесстеринин негизинде «Кийиз» деген туң&shy;гуч Бийди, «Алтын кыз» музыкалык драмасына, «Айчү&shy;рөк» операсына бийлерди жаратты. Кийин ал «Анар», «Селкинчек» балеттерине элдик бийлер&shy;ди көбүрөөк пайдаланган. «Чолпон», «Ала-Тоодогу жаз», «Куйручук», «Асел» жана башка балеттери улут&shy;тук Бийдин мыкты үлгүлөрүнө айланды.1966-жылы кыргыздын элдик бий ансамбли уюшулган, к. ''«Ак марал» мамлекеттик бий ансамбли''.


Ад.: ''Ткаченко Т. С''. Народный танец. М., 1954;
''Львов Н''. Киргизский театр. М., 1953.


<p align='right'>''Б. Алагушов.'' </p>[[Category: 2-том, 146-225 бб]]