БИЛИМ барагынын баштапкы кодун көрүү

'''БИЛИМ''' – адамдын аң-сезиминдеги коомдун ж-а жаратылыштын көрүнүштөрү тууралуу алынган ишенимдүү маалыматтардын жыйын&shy;дысы. Билим – таанып-билүү м-н тыгыз байланыш&shy;туу ж-а анын натыйжасы. Педагогикада Билим эки мааниде түшүндүрүлөт: 1) адам тарабынан ка&shy;был алынуучу, сезилүүчү, түшүнүлүүчү ж-а анын оюнда сакталып калуучу маалымат; 2) улам жаңы маалыматты кабылдап, аны өздөштүрүү үчүн пайдаланылуучу каражат, курал. Демек Билим түшүнүгү педагогикалык процессте эки жактуу (маалымат ж-а каражат) мааниде кабыл алынат. Окутуу кандай гана формада уюштурулбасын, окуучу&shy;нун жаңы материалды өздөштүрүшү үч этапта ишке ашырылат. 1-этапта окуучу үйрөнүүчү ма&shy;алыматты аң-сезимдүү кабыл алып, эсине сак&shy;тайт. 2-этапта окуучу жаңы кабыл алынган Билимди көрсөтүлгөн үлгү боюнча же ал үлгүнүн башкача вариантында пайдалануунун ыкмаларын өздөштүрөт. 3-этапта окуучу өзүнүн мурунку этаптарда өздөштүргөн Билимин жаңы, өзүнө таа&shy;ныш эмес абалда, чыгармачылыктуу пайдалана билүүгө даяр болот. Ошентип, окуу материалын өз&shy;дөштүрүү – материалды аң-сезимдүү кабылдап эстеп калуудан, аны көрсөтүлгөн үлгү боюнча ж-а тааныш эмес ар кандай жаңы абалда пайдала&shy;нуудан турат. Тиешелүү түрдө бул этаптарда ма&shy;териалды өздөштүрүүнүн үч деңгээли камсыз кы&shy;лынат. Окутуу процесси үчүн материалды өздөштүрүүнүн 1- ж-а 2-деңгээлдеринин камсыз болушу зарыл, бирок ал жетиштүү эмес. Окутуу&shy;нун азыркы кездеги максаты материалды өздөш&shy;түрүүнүн 3-деңгээлине жетишүүнү камсыз кылуу&shy;да, башкача айтканда окуучулардын алган Билимдерин чыгармачылык м-н пайдаланууга даярдоодо турат.



<p align='right'>''И. Бекбоев.'' </p>[[Category: 2-том, 146-225 бб]]