БОТАЛИЕВ барагынын баштапкы кодун көрүү

'''БОТАЛИЕВ ''' '''Ашыралы''' (21.5.1906, Чүй облусу, Чүй району, Сынташ айылы – 14. 2. 1978, Фрунзе) – опера жана драма артисти, кыргыз театр өнөрүн баштоочулардын бири. Кыргыз ССР эл артисти (1939). 1926–1930-жылдары Кыргыз театр студиясында иштеген. 1930–1934-жылдары Кыргыз мамлекеттик театрынын, 1934–1942-жылдары Кыргыз музыкалуу драма театрынын, 1942–1952-жылдары Кыргыз мамлекеттик опера жана балет театрынын солисти, 1952-жылдан Кыргыз мамлекеттик драма театрынын артисти болгон. Ал ар түрдүү драмалык, трагедиялык жана сатиралык пландагы каармандардын образын түзгөн кеӊири диапазондуу актёр. А.&nbsp;Боталиев театр студиясында жүргөндө эле «Кайгылуу Какейде» күйөө жолдоштун (1927), «Козголоӊдо» Чеусовдун (1929), «Тобурчакта» Элчибектин (1931) ролун аткарган, Искендердин образын («Ажал ордуна», 1935) түзүү менен кеӊири таанылган. Кыргыз музыкалуу драма театрында Акматтын («Карачач», 1936), Жапардын («Алтын кыз», 1937), Аскердин (У. Гажибеков, «Аршин мал алан», 1940) ролдорун аткарган. Фрунзенин (В. Власов, В. Фере, «Эл <br/>
[[File:БОТАЛИЕВ28.png | thumb | none]]
бактысы үчүн», 1940), Баатырбектин (В. Власов, В. Фере, А. Малдыбаев, «Патриоттор», 1941), Онегиндин (П. Чайковский, «Евгений Онегин», 1942), Таздын (М. Раухвергер, «Көкүл», 1942) партияларын ырдаган. Кийинки көрүнүктүү ролдору: Жапар («Көл боюнда», 1950), Ленин (Н. Ф. Погодин, «Мылтыкчан киши», 1952), Тихон (А. Островский, «Добул», 1958), Боромбай (А. Токомбаев, «Өлбөстүн үрөнү», 1964), Батиста (У. Шекспир, «Азоого чалма», 1966) ж. б. Ал элдик обончулардын, композиторлордун ырларын да аткарган. Боталиев режиссёр катары К.&nbsp; Эшмамбетовдун «Эгиз бала» (1957), К. Жантөшевдин «Биздин эне» (1961) жана башка спектаклдерди койгон. Ленин, 2 Эмгек Кызыл Туу, «Ардак Белгиси» ордендери жана медалдар менен сыйланган.<br/>Ад.: ''Львов Н. И.'' Киргизский театр. М., 1953.
<br/>
[[File:БОТАЛИЕВ29.png | thumb | <center>А. Токомбаев. «Өлбөстүн үрөнү» спектакли. Боромбай – А. Боталиев (1964).</center>]]
[[Category: 2-том]]