БУЛ-ТЕКЕ ЧОПОЛУУ БҮЛӨӨ-ТАШ КЕНИ барагынын баштапкы кодун көрүү

'''БУЛ-ТЕКЕ ЧОПОЛУУ БҮЛӨӨ-ТАШ КЕНИ ''' Чүй облусунун Москва районунда, Беловодский (Ак-Суу) кыштагынан 35 ''км'' түштүк тарапта, Кыргыз Ала-Тоосунун түндүк этегинде, деӊиз деӊгээлинен 1546–1700 ''м'' бийиктикте. 1969–70-жылдары Түндүк геологиялык экспедициясы чалгындаган. Аймагын негизинен ордовик менен антропоген мезгилдеринде пайда болгон чөкмө жана девондун аягында жиреп чыккан интрузия тоо тектери түзөт. Күӊүрт боз, кара түстөгү серицит-чопо-көмүртектүү жана көмүр чополуу бүлөө таш (сланец) – кендин пайдалуу катмары. Алардын калыӊдыгы 600 ''м''ден ашык. Бүлөө таштын көөп чыгуу коэффициенти 6,14% жана температурасы 116°С, орточо тыгыздыгы 0,44 ''г/см''<sup>3</sup>. Бүлөө таш «Б» классынын «500» маркасындагы керамзиттик гравий жана кум алууга жарамдуу. Запасы А+В категориясы боюнча – 3873 миӊ ''м''<sup>3</sup>, С<sub>1</sub> – 37500 миӊ ''м''<sup>3</sup>. Баланстагы запасы: А–112 миӊ ''м''<sup>3</sup>, В–1109 миӊ ''м''<sup>3</sup>, С<sub>2</sub>–37500 миӊ ''м''<sup>3</sup>.
[[Category: 2-том]]