ВАСНЕЦОВ барагынын баштапкы кодун көрүү

'''ВАСНЕЦО&#769;В ''' '''Виктор Михайлович''' [3 (15). 5. 1848, Вятск губерниясы, Лопьял кыштагы – 23.7.1926, Москва шаары] – орус сүрөтчү-живописчиси, архитектор. И. Н. ''Крамскойдон'' (1867–1868), Петербург көркөм сүрөт академиясынан (1868–1875) таалим алган. 1893-жылы Академиянын анык мүчөлүгүнө шайланган. 1878-жылдан Москвада жашаган. Русь көркөм өнөрүн кайра<br/>
[[File:ВАСНЕЦОВ50.png | thumb | В. М. Васнецов. «Баатырлар». Мамлекеттик орус музейи.]]
жаратуу коомун уюштуруучулардын (1915) бири. Алгачкы чыгармаларында («Тилемчилик», 1876; «Согуштук телеграмма», 1878, Третьяков галереясы) өз доорунун типтүү көрүнүштөрүн чагылдырган. 1880-жылдары орус тарыхына, элдик былиналар менен жомокторго арналган чыгармалар жараткан. «Алёнушка» (1881), «Карышкыр минген ханзаада Иван» (1889), «Баатырлар» (1881–1898), «Падыша Иван Васильевич Грозный» (1897) жана башка эпикалык мүнөздөгү чыгармаларында эл эӊсеген идеалдар менен ыйык патриоттук сезимдерди поэтикалык формада берген. В.&nbsp;Васнецов Москвада тарых музейи үчүн «Таш доору» (1883–1885) аттуу монументтүү панно жасаган. Элдик жомок темасында иштөөнү улантып, «Добрыня Никитичтин жети баштуу Ажыдаар Горыныч менен кармашы» (1918), «Өлбөс Кощей» (1917–1926) деген чыгармаларды жараткан. В.&nbsp;М. Васнецов портретчи катары да белгилүү. Москвада анын үй-музейи бар (1986).

[[Файл:Загружено .jpg|left|thumb]]

<br />''Ад.: Моргунов Н., Моргунова-Рудницкая Н.'' В. М. Васнецов. М., 1962.
[[Category: 2-том]]