ВЕРСАЛЬ ТЫНЧТЫК КЕЛИШИМИ (1783) барагынын баштапкы кодун көрүү

'''ВЕРСА&#769;ЛЬ ТЫНЧТЫК КЕЛИШИМИ (1783) ''' АКШ ж-а анын союздаштары (Франция, Испания, Нидерланд) м-н Улуу Британиянын ортосунда 1783-жылы 3-сентябрда Версаль шаарында түзүлгөн. 1775–83-жылдарда Түндүк Америкадагы көз каранды эместик үчүн согуш АКШнын жеӊиши м-н аяктаган. 1) 1782-жылы 30-ноябрда Улуу Британия м-н АКШ түзгөн прелиминардык, башкача  айтканда алгачкы келишим б-ча Улуу Британия АКШны суверендүү, көз каранды эмес мамлекет деп таанып, чек араларын белгилеген. 2) 1783-жылы 20-январда Улуу Британия, Франция ж-а Испания ортосунда түзүлгөн прелиминардык келишим Улуу Британияны Вест-Индиядагы Тобаго аралын ж-а Африкадагы Сенегалды Францияга, ал эми Испанияга Жер Ортолук деӊиздеги Менорка аралын кайтарып берүүгө аргасыз кылган. Франция менен Англия согуш убагында Индиядагы басып алышкан жерлерин бири бирине кайтарып беришкен. 3) 1783-жылы 2-сентябрда Улуу Британия м-н Нидерланддын ортосунда түзүлгөн прелиминардык тынчтык келишимине ылайык, Улуу Британия Индиядагы голландиялык факторияны – Негапатамды алган.
[[Category: 2-том]]