ВИКТОРИЯ (Сейшель Аралдары мамлекетинин борбору) барагынын баштапкы кодун көрүү

'''ВИКТО&#769;РИЯ 2 '''– Сейшель Аралдары мамлекети&shy;нин борбору. Калкы 22,6 миң (2006). Маэ аралынын түндүк-чыгышында жайгашкан. Инди океанынын жээгиндеги порт (копра, кокос ж-а эфир майла&shy;ры, ванил, корица, балык экспорттолот). Эл а&shy;ралык аэропорту бар. 1778-жылы Порт-Руаяль де&shy;ген ат м-н негизделип, 1841-жылы  королева Викто&shy;риянын урматына аталган. 1903–76-жылдарда англиялык колониянын административдик борбору, 1976-жылдан көз ка&shy;ранды эмес Сейшель Аралдары Республикасынын борбо&shy;ру. Саат мунарасы (1903; Лондондогу Биг-Бен сааты м-н Ыйык Стефан мунарасынын көчүр&shy;мөсү), собор, политехникалык институт (1983), улуттук ки&shy;тепкана (1910) ж-а музей (1964) бар. Ботаникалык бак (1901), орхидея гүлдөрү бакчасы уюшулган. Шаардын экономикасынын негизин чет элдик туризм ж-а балыкчылык түзөт. Тамак-аш (анын ичинде балык беленделет, пиво кайнатылат), тамеки, эмерек өнөр жай ишканалары иштейт. Кустар&shy;дык кол өнөрчүлүк өнүккөн. Викторияга жакын улут&shy;тук Ыйык Анна деңиз паркы жайгашкан. 
[[Category: 2-том, 500-554 бб]]