ГЛИКОГЕН барагынын баштапкы кодун көрүү

'''ГЛИКОГЕ&#769;Н ''' (''глюкоза'' ж-а ...''ген''), ж а н ы б а р   к р а х м а л ы, (С<sub>6</sub>Н<sub>10</sub>О<sub>5</sub>)n – кишинин ж-а жаныбарлардын организминдеги негизги запас полисахарид. Жашоонун бардык процесстери, биринчи кезекте булчуӊ иши гликогендин ажырашынан келип чыккан энергиянын эсебинен жүрөт. Гликоген адамдын, жаныбардын организминдеги бардык тканда болот, өзгөчө боордо, булчуӊдарда топтолот. Ошондой эле ачыткыда, козу карында, жүгөрү данында да кездешет. Молекуласы ''а''-D-глюкозанын бутактанган калдыктарынан турат. Бутактануу ''а''-1,6-гликозиддик байланыш аркылуу түзүлөт. Ал ак түстөгү аморфтуу күкүм, муздак сууда начар, ысык сууда жакшы эрип, колоиддик эритмени пайда кылат. Кислоталардын ж-а ферменттердин таасири м-н жеӊил гидролизденип, декстринге, андан мальтозага ж-а глюкозага чейин ажырайт. Жаныбарлардын ткандарында гликолиз процессинин натыйжасында гликогенден сүт кислотасы пайда болот да, денени энергия м-н жабдып турат. Организмде глюкоза жетишпегенде ферменттердин таасири м-н запастагы гликоген глюкозага чейин ажырап, канга өтөт. Канга келген глюкозанын фосфор татаал эфиринен боордо гликоген пайда болот. Канда глюкозанын саны азайганда (ачка болгондо, кара жумуш жасаганда) боордогу гликоген глюкозага же анын эфирине айланып, кан м-н денеге тарайт. 
[[Category: 2-том]]