ГОРИЛЛА барагынын баштапкы кодун көрүү

'''ГОРИ&#769;ЛЛА ''' (Gorilla) – киши сымал ири маймылдар тукумунун уруусу. Эркегинин бийиктиги 1,8–2,0 ''м'', далысынын жазылыгы 1 ''м''ге жакын, салмагы 200–250 ''кг'' ж-а андан ашык болот. Ургаачысы эркегинен 2 эсе кичине. Тулкусу олбурлуу,<br/>
[[File:ГОРИЛЛА79.png | thumb | none]]
булчуӊдары жакшы өөрчүгөн, күчтүү. Жүнү, териси кара түстө, арткы буту алдынкы буттарынан кыска, башы чоӊ, дөӊ маӊдай. Көзү, кулагы анча чоӊ эмес, бети алдыга созуӊку, алдынкы жаагы чоӊ, тиштери ири. Бир түрү, 3 түрчөсү бар. Батыш ж-а Борбордук Африканын калыӊ экватор токойлорунда, Конго суусунун алабында жашайт. Анча көп эмес топ түзүп, ага эркеги башчылык кылат. Өсүмдүк м-н гана азыктанат. Ургаачысы 6–7, эркеги 8–10 жашында жыныстык жактан жетилет. 3–5 жылда бир бала тууйт. Саны азаюуда, ТКЭСтин кызыл китебине катталган.
[[Category: 2-том]]