ДАН ТОЮТ барагынын баштапкы кодун көрүү

'''ДАН ТОЮТ''' – мал, үй куштарын тоюттанды&shy;руу үчүн пайдаланылуучу дан ж-а буурчак өсүм&shy;дүктөрүнүн уругу. Башка тоюттарга караганда тоют бирдигинде оӊой сиӊүүчү аш болумдуу зат&shy;тары көп концентрат тоюттардын тобуна ки&shy;рет. Дан эгиндеринин ичинен тоют өсүмдүктөрү: жүгөрү, буудай, сулу, арпа. Жүгөрү даны аш болумдуулугу боюнча башка тоют дандарынан жо&shy;гору турат. 1 ''кг'' жүгөрү данында 1,34 тоют бир&shy;диги болуп, кант кызылчасынан гана кийин ту&shy;рат. Май (70%) м-н крахмалга (6%) да бай, амин кислоталары аз. Арпа даны – малга жакшы тоют. 1 ''кг'' данында 1,2 ''кг'' тоют бирдиги болот; 12% белок, 2,1% май, 13% суу ж. б. заттар бар. Сулу саан уйга, айрыкча жаш торпокко, жылкыга берилет. Сулудан уйдун сүтү көбөйөт, тоок жу&shy;муртканы көп тууйт. Данында витаминдер (В<sub>1</sub> ж-а В<sub>2</sub>) көп, микроэлементтер (кобальт, цинк, марганец) ж. б. заттар кездешет. Сулунун 1 ''кг'' данында 0,99 тоют бирдиги болот. Белок 10,2%, май 4,4, суу 12%, клетчатка 8,3%ти түзөт. Бу&shy;лардан башка буурчак, сорго, таруу ж. б. да тоют катары колдонулат. Көгөргөн, бактериялык илдетке чалдыккан данды малга берүүгө бол&shy;бойт.
[[Category: 3-том, 5-85 бб]]