ДАОСИЗМ барагынын баштапкы кодун көрүү

'''ДАОСИ&#769;ЗМ''' – 1) байыркы философиялык, диний окуу&shy;лардын бири. Ал б. з. ч. 6–5-кылымдарда Байыркы Кы&shy;тайда пайда болгон. Даосизм окуусунун негиз салуу&shy;чусу катары Конфуцийдин замандашы Лао-Цзы эсептелет. Даосизм окуусунун негизги түшүнүгү – Дао, ал Даосизм окуусунун философиялык  идеясынын өзөгүн түзөт. Бул терминдин сөзмө-сөз мааниси кыргыздын байыркы дүйнө таанымы Теӊирчиликтин – «Жол» нуска наамасынын мазмунуна жакын. Даосизм «дүйнөнүн түпкү себеби», «ааламдын маӊы&shy;зы», «жаратылыштын негизги мыйзамы» сы&shy;яктуу теориялык жоболорду камтыйт. Даосизмди ар тарап&shy;тан өнүктүргөн Конфуцийдин окуусунда «дао» деп, мыкты башкаруучунун жолун, ади&shy;леттүүлүктү өркүндөтүүнүн жолун, ыйман-адеп ченемдеринин жыйындысын түшүнүшкөн. Дао&shy;нун жолун жолдоо, табигый кубулуштарга ж-а процесстерге кийлигишпөө, табият м-н таттуу мамиледе болуу гана ийгиликке алып келет деш&shy;кен. Ал эми «Дао Дэ Цзин» китебинде: бардык заттар өзүнүн «менчик» жолу – д а о аркылуу жаралат ж-а өзгөрөт, дүйнөдө өзгөрүлбөс эч нерсе жок, бардыгы теӊ ошол өзгөрүүлөрдүн жүрүшүн&shy;дө өзүнүн карама-каршысына айланышат деген философиялык тыянак бар. Б. з-дын 2–3-кылымында Даосизм фи&shy;лософиялык ж-а диний багыттарга бөлүнүп кеткен. 2) Кытай диндеринин бири, б. з. 2-кылымында пайда болгон. Даосизмдин негизги канондук жоболору: тео&shy;логиясы м-н теориясы 5-кылымдын башталышында иштелип чыккан, Тан доорунда (10-кылымга чейин) ал мамлекеттик бийликтин өзгөчө колдоосунда бол&shy;гон. Даосизм кытайдын расмий дини катары класси&shy;калык дао философиясы м-н аралашып, элдик синкреттик (бирикме, бүтүн) окуу катары 20-кылымдын ортосуна чейин сакталып келген. Даосизмди жактоочулардын максаты – дүйнөдө түркүн түрдүү ыкмаларды: атайын мүнөз тамак-аш&shy;тан тартып, ар кандай дарылоочу дене тар&shy;бия көнүгүүлөрүнө чейинки ыкмаларды пай&shy;далануу м-н адам өмүрүн узартууга жетишүү болгон.

Ад.: ''Ян Хин-шун.'' Древне-китайский философ Лао&shy;цзы и его учение. М., 1950; ''Торчинов Е. А.'' Даосизм. СПб., 1998; ''Вэнь Цзянь, Горобец Л. А.'' Даосизм в современном Китае, СПб., 2005.. [[Category: 3-том, 5-85 бб]]