ДАСТАН барагынын баштапкы кодун көрүү

'''ДАСТАН''' – эпикалык жанр; Чыгыш элдеринин фольклору м-н адабиятындагы баатырдык же ро&shy;мантикалык мүнөздөгү көлөмдүү поэма. Ыр тү&shy;рүндө же кара сөз м-н жазылат; аткарууда кы&shy;раатка, обонго салып айтуу кезектеше берет. Дастан баатырдык-фантастикалык темадагы жомок, уламыш, санжыралардан турат. Кара сөз тү&shy;рүндөгүсүндө ыр, диалог же монолог эриш-ар&shy;как жүрөт. Дастанды түркмөн, азербайжан, түрктөр о г у з - н а м е деп да атайт. 10–15-кылымдарда перс, тажик, өзбек, азербайжан адабиятында айрым ро&shy;мантикалык поэмалар (мисалы, «Лайли-Мажнун», «Хосров-Ширин») ж-а эпикалык чоӊ поэмалар&shy;дын главалары (мисалы, Фирдоусинин «Шахнаме&shy;си») Дастан делген. Көпчүлүк Дастанды качандыр бир за&shy;манда жеке адамдар чыгарып, элдин көркөм кенчине кирген элдик-поэтикалык Дастандан айыр&shy;маланбай калган. Дастандын бул эки түрүнө теӊ ка&shy;арманды идеалдаштыруу, апыртуу мүнөздүү. Профессионал адабиятта Дастан 16–18-кылымдарда кыйла өрүш алган. Кээ бир элде (өзбек, кара калпак, түрк, кыргыз ж. б.) Дастан азыр да жаралууда. Кыргыз фолькористикасы м-н адабият таануусунда фольклордук (мисалы, «Жаныш-Байыш», «Кур&shy;манбек») ж-а адабий поэмаларды кээде Дастан деп атайт.
[[Category: 3-том, 5-85 бб]]