ДЕКАН БӨКСӨ ТООСУ барагынын баштапкы кодун көрүү

'''ДЕКА&#769;Н БӨКСӨ ТООСУ''' , Д е к а н (санскритче дакшина – ''түштүк'') Индстан жарым аралынын ички бөлүгүн ээлейт; Индияда. Батыш ж-а Чыгыш Гат тоолору м-н чектешет. Аянты 1 млн ''км''<sup>2</sup>дей. Чыгышка карай 600–900 ''м''ден 300–500 ''м''ге че&shy;йин жапыздаган тектирлүү түздүктөр басымдуу; ал түздүктөрдөн жетим тоолор ж-а дөбө-дөӊсөөлөр көтөрүлүп турат. Түндүк-батышына супа сымал тоолуу-тепкичтүү структуралык-денуда&shy;циялык рельеф мүнөздүү. Геологиялык жактан Декан бөксө тоосу Индия платформасынын бир бөлүгү; ал негизи&shy;нен архей м-н протерозойдун гнейс кристаллдык сланец, кварцит тоотектеринен түзүлүп, алар&shy;ды гранит интрузиялары жиреп чыккан. Ай&shy;магынын 52 миӊ ''км''<sup>2 </sup>жерин (негизинен түн.-ба&shy;тышын) үбөлөндү латерит кыртышы ж-а ка&shy;лыӊдыгы 1500–2000 ''м''ге жеткен, бор мезгили&shy;нин аягында ж-а эоценде пайда болгон базальт катмары (''трапп'') жаап жатат. Климаты субэк&shy;ватордук, муссондук. Ноябрдан мартка чейин серүүн кургакчыл, марттан майга чейин ысык кургакчыл, майдан ноябрга чейин ысык жаан&shy;чыл климат өкүм сүрөт. Жылдык жаан-чачы&shy;ны 500–700 ''мм'', тоолордун айдарым капталда&shy;рында 2500–3000 ''мм'' (көбү жайында жаайт). Майдын (эӊ жылуу айы) майдын орточо температурасы 29–32°С, январдыкы 21–24°С. Ири дарыялары: Нарбада, Маханади, Годавари, Кришна, Каве&shy;ри; негизинен сугатка пайдаланылат. Айдарым капталдарда жалбырагы күбүлмө муссон токою, борбордук бөлүгүндө саванна ж-а сейрек токой, жаан&shy;-чачындан ыктоо калган Батыш Гат тоолорунда чөлдөшкөн саванна үстөмдүк кылат. Көп бөлүгү (аймагынын 60%) айдоо (дан эгиндери, пахта ж. б.). Ири шаарлары: Бенгалуру, Пуна, Хай&shy;дарабат.
[[Category: 3-том, 5-85 бб]]