ЖАКЫПБЕК барагынын баштапкы кодун көрүү

<b type='title'>ЖАКЫПБЕК</b> Ниязбек уулу (18-к-дын 2-жары&shy;мы – 19-к-дын 1-жарымы) – бугу уруусунун аты&shy;нан орус падышалыгына жиберилген алгачкы элчиликтин өкүлү. 1813-ж. 7-сентябрда Миркур&shy;бан Ниязов жетектеген кербен Семейден Турпанга (Чыгыш Түркстан) баратып, Ысык-Көл кылаа&shy;сына токтоп өткөн. Ичинде А. Л. <i>Бубенов</i> бол&shy;гон бул кербенди жерг. бугу уруусунун төбөл&shy;дөрү жылуу тосуп алып, тийиштүү сүйлөшүү&shy;лөрдөн кийин Россия империясы м-н байланыш түзүү ж-дө сибирдик бийликке расмий кайры&shy;лууга макулдук беришкен. Кербенди кытай чек арасына чейин узаткан А. Бубенов кайра кайт&shy;канда, бугу уруусунун манаптары Шапак, Шера&shy;лы өз элчиси катары <i>Качыбек</i> Шералы уулун, ага Ж-ти кошуп, 1813-ж. 21-ноябрда Семейге жө&shy;нөткөн. Алар 1814-ж. 5-январда Семипалатинск
чебине, анан Тобольск ш-на келип, Сибирдин генерал-губернатору Г. И. Глазенаптын расмий кабыл алуусунда болуп, орустар м-н соода бай&shy;ланышын түзүүнү ж-а кыргыздардын жери ар&shy;кылуу Кытай, Тибет, Кашкар, Жаркент тарап-


ка өтүүчү орус соодагерлерине жардам көрсөтүүгө даяр экендигин билдиришип, падыша м-н жо&shy;лугуу үчүн Санкт-Петербургга жөнөтүүнү өтүнүш&shy;көн. Бирок Санкт-Петербургдун алыстыгына байланыштуу кыргыз элчилеринин өтүнүчү ка&shy;нааттандырылган эмес. Алар шаардагы бир ка&shy;тар чептерди, Барнаулдагы з-ддорду кыдыртып көрүшкөн. Ж. элчилик ишмердиги үчүн асыл&shy;таш чөгөрүлгөн шакек м-н сыйланган. Элчилер 1815-ж. кайтып келишкен. <i>Т. Өмүрбеков. </i>[[Категория:3-том, 215-326 бб]]