ЖАНАРТОО-ЧӨКМӨ ЛИТОГЕНЕЗИ барагынын баштапкы кодун көрүү

<b type='title'>ЖАНАРТОО-ЧӨКМӨ ЛИТОГЕНЕЗИ</b> – жанар&shy;тоолуу аймактагы кургактыкта, деңиз түптө&shy;рүндө чөкмө тектердин пайда болуу ж-а алар&shy;дын өзгөрүү процесстери. Климат шартына бай&shy;ланышсыз эле, интрозоналуу түрдө, негизинен геосинклиналдуу аймактарда, б. а. тектон. ак&shy;тивдүү жерлерде жүрөт. Жанартоо-чөкмө тектер&shy;ди пайда кылган материалга жанартоонун атылышынан чыккан талкаланган кесек бөлүк&shy;чөлөр же гидротерм эриндилери м-н газ эмана&shy;циялары кирет. Бөлүкчөлөр жанартоодон аты&shy;лып түшкөн жерде же андан которулуп, кура&shy;мы б-ча бир түрдүү камдашкан тоотекти – жа&shy;нартоо туфтарын пайда кылат. Анын курамын&shy;дагы чөкмө заттардын өлчөмү алардын котору&shy;лушунун узактыгына байланыштуу болуп, кээ&shy;де 10%ке, айрым учурда андан да ашып кетет. Пайда болгон тектер кесек бөлүкчөлөрдүн өлчө&shy;мүнө ж-а минералдык курамына карай бир не&shy;чеге бөлүнөт. Ж.-ч. л-нин натыйжасында жа&shy;нартоо-кремнийлүү, жанартоо-карбанаттуу ж-а жанартоо-кесекчелүү геол. формациялар, о. эле хемоген жанартоо-чөкмөлөрү (яшма, темир, мар&shy;ганец кенташтары, фосфориттер ж. б.) пайда болот, к. <i>Жанартоо</i>. [[Категория:3-том, 215-326 бб]]