КАЗЫ барагынын баштапкы кодун көрүү

<b type='title'>КАЗЫ</b> – 1) мусулман өлкөлөрүндө укуктун ж-а
үрп-адаттардын негизинде иш алып барган адам (укук таануучу). О. кылымдарда К-лар документ күбөлөндүрүүчүнүн (нотариус) милдетин атка&shy;рып, жетимдерди кароого алышкан же алар үчүн көз салуучу адам дайындашкан; жарандык, кылмыш иштери б-ча өкүмдөрдүн аткарылышын көзөмөлдөп, сот иштерин жүргүзгөн, о. эле ди&shy;ний кызматтарды да аткарган. Мусулман уку&shy;гуна байланыштуу иштерге (сот иши) К-дан баш&shy;ка муфтий ж-а аглямдар кирген. К-нын кызма&shy;ты жогорку катмарга таандык болуп, мамле&shy;кеттен айлык алган. Медресени бүтүп, мусул&shy;ман укугун өздөштүргөн, муфтийлердин сыны&shy;нан өткөн адам хан тарабынан К-лыкка да&shy;йындалган. 19-к-да О. Азия хандыктарында К. сот системасынын түзүлгөнүнө байланыштуу К.-калян (жогорку сот), К.-кузат (улук сот), К.-аскер соту, К.-раис болуп бөлүнгөн. Айрым учурда К-лар үй-бүлө, дин ж-а мурастоо иш&shy;терин кароо м-н чектелген. Египет, Тунис, Түркия ж. б. мусулман өлкөлөрүндө шарият сот&shy;торунун жоюлушу м-н К. ин-ттары жабылган. 1927–28-ж. О. Азияда, а. и. Кырг-нда К. сотто&shy;ру биротоло жоюлган; 2) мусулман башкаруу&shy;чуларынын казатта (к. <i>Газават</i>) эрдик иштери
үчүн алган ардактуу титулу.

<p align='right'><i type='author'>А. Абазбеков.</i></p>
[[Категория:3-том, 673-784 бб]]