ДИАГНОСТИКА
ДИАГНО́СТИКА (гр. diagnōstikjs – аныктап билүүгө жөндөмдүү), д а р т а н ы к т о о – ооруну аныктоо ж-а табуу ыкмалары жөнүндөгү илим. Диагностика оорулуу адамды бардык жагынан ыраттуу изилдөөгө негизделген. Алар анамнез чогултуу; дене абалын изилдөө ма м-н көзүн, кулагын, рефлексти, муун кыймылын ж. б. текшерүү); лабор., рентгендик, электр диагностикалык изилдөөлөр, эндоскопия, биопсия ж. б. Кээ бир ооруларды аныктоодо радиоактивдүү изотоптор колдонулат. Жугуштуу ж-а аллергиялык ооруларды аныктоодо бактериол., серол ыкмалардын мааниси чоӊ. Патологоанат. Д. өлгөн адамдын тканын хим. ж-а микроскопиялык текшерүү жолу м-н ишке ашырылат. Д. в е т е р и н а р и я д а жалпы ж-а атайын болуп бөлүнөт. Жалпы Д-да малдын тышкы көрүнүшү, териси, май кыртышы, лимфа түйүндөрү, былжыр челдери текшерилип, дене темп-расы ченелет. Кан, заара, ичеги-карын кырындысын ж-а жүлүн суусун текшерүү атайын Д-га кирет. Д-нын клиникалык ыкмалары – ооруган жерди кармалап ж-а каккылап көрүү, зонд жуткуруу, рентгеноскопиялык ж-а графиктик изилдөөлөр.