ВАСИЛЬЕВДЕР

ВАСИЛЬЕВДЕР (окшош фамилиялуулар псевдоними – б и р т у у г а н В а с и л ь е в д е р) – фамилиялары уйкаш орус кинорежиссёрлору жана сценаристтер. Г е о р г и й Н и к о л а е в и ч (25. 11. 1899, Вологда – 18.6.1946, Москва) – РСФСРдин искусствого эмгек сиӊирген ишмери (1940). Журналист, 1924-жылдан кинорежиссёр, Сергей Дмитриевич менен бирге иштеген. Ленин жана Кызыл Жылдыз ордендери менен сыйланган. С е р г е й Д м и т р и е в и ч [22.20(4.11). 1900, Москва – 16. 12. 1959, Ленинград] – СССР эл артисти (1948). Алгачкы режиссёрлук иши – «Муздагы эрдик» (1928) документалдык тасмасын биргелешип тартышкан. «Уйкудагы сулуу» (1939) тасмасында алар биринчи жолу жалпы псевдоним менен чыгышкан. Васильевдердин атагын чыгарган «Чапаев» тасмасы (1934; СССР мамлекеттик сыйлыгы, 1941). Васильевдер үндү колдонууда жана музыканы чечмелөөдө кинорежиссура искусствосун жаӊы баскычка көтөргөн. Васильевдер андан башка «Волочаев күндөрү» (1937), «Царицын коргонуусу» (1941; СССР мамлекеттик сыйлыгы, 1942), «Фронт» (1943) тасмаларын биргелешип тартышкан. Сергей Дмитриевич «Шипка баатырлары» (1955), «Октябрь күндөрүндө» (1958) тасмаларын койгон. Ал «Ленфильм» киностудиясынын көркөм жетекчиси (1944–1949), директору

«Чапаев» фильминен кадр. Режиссёрлор бир тууган Васильевдер. 1934.

(1955–1957) болгон. Ленин ордени, башка 2 орден менен сыйланган. Бир тууган Васильевдер атындагы РСФСР мамлекеттик сыйлыгы белгиленген.
Ад.: Писарский Д. С. Братья Васильевы. М., 1981.