ГЕРАСИМОВ Сергей Аполлинариевич

ГЕРА́СИМОВ Сергей Аполлинариевич [21. 5 (3.6). 1906, Челябин облусу, Чебаркөл району, Кундравы кыштагы – 28. 11. 1985, Москва] – кинорежиссёр, актёр, кинодраматург, кино теоретиги, СССР эл артисти (1948), СССР мамлекеттик сыйлыгынын (1941, 1949, 1951, 1971), Лениндик сыйлыктын (1984) лауреаты, искусство таануу илимдеринин доктору (1967), Социалисттик Эмгектин Баатыры (1974). Бүткүл россиялык кинемтография институтунда (ВГИКте) профессор (1946-жылдан). Ленинград сахна искусствосу

С. А. Герасимов. «Мугалим» тасмасынан кадр.

институтун бүтүргөн (1928). 1924-жылдан киного тартылган. Кийин кинорежиссёрлукка өтүп, 1930-жылдары «Жети баатыр» (1936), «Комсомольск» (1938), «Окутуучу» (1939) тасмаларын тарткан. Бул тасмаларда жаштардын ички дүйнөсү көркөм изилденген. 1941-жылы «Маскарад» (М. Ю. Лермонтовдун драмасы боюнча) тасмасын койгон. Улуу Ата Мекендик согуш учурунда (1941–1945) СССР Кинематография комитетинин согуш хроникасы башкармасынын орун басары жана Борбордук даректүү тасмалар студиясынын директору болгон. «Жеӊилбестер» (1943), «Улуу жер» (1944), «Жаш гвардия» (1948), «Тынч Дон» (1957–1958), «Журналист» (1967), «Көл жээгинде» (1970), «Кыздар-энелер» (1975), А. Толстойдун «Пётр Биринчи» романы боюнча экилтик, («Пётрдун жаш чагы» жана «Даӊктуу иштин башталышы», 1981), «Лев Толстой» (1984) жана башка тасмаларды тарткан. Режиссёрдук, актёрдук жана сценарийчилик ишмердигин педагогикалык иш менен айкалыштырган. Анын шакирттеринин арасында С. Бондарчук, Л. Кулиджанов, И. Макарова, Н. Мордюкова, Н. Рыбников, Л. Гурченко, З. Кириенко жана башкалар болушкан. Эки Ленин ордени, башка ордендер жана медалдар менен сыйланган.

Ад.: Волянская Н. На уроках режиссуры С. А. Герасимова. М., 1965.