ВЭЛФЕР

ВЭЛФЕР (англ. welfer – жыргалчылык) – со­циалдык жардам көрсөтүүнүн америкалык системасы­на кирүүчү социалдык пособиенин аталышы. Ал бюджет каражаттарынан акча трансфертте­ри‚ ошондой эле натуралай пособие түрүндө төлөнөт. Акча пособиелерине жакырчылык боюнча‚ үй-бүлө­лүк ж-а балдар пособиелери‚ анын ичинде көп бүлөлүү­лөргө пособие‚ баа субсидиялары ж. б. кирет. Натуралай пособиелер азык-түлүк жагынан жардамдан тышкары билим берүүдө‚ саламат­тык сактоодо‚ оорулууларга ж-а улгайгандарга акысыз кызмат көрсөтүүнү камтыйт. Вэлферди да­йындоо кирешелердин ж-а мүлктүн өлчөмдөрүн текшерүүнү болжолдойт. Пособие бардык иш­теп тапкан кирешеси же/ж-а мүлкү тиричилик минумуму м-н аныкталуучу жакырчылык чеги деп аталган белгилүү деңгээлден бир аз гана жогору же ага барабар адамдарга берилет. Ти­ричилик минимуму «керектөө себетине» кирген бардык жыргалчылыктын наркы м-н белгиле­нет. Вэлфер алуучулардын кирешесинин өсүшү анын өлчөмүнүн азайышына негиз болот‚ ал эми ки­решелердин белгилүү бир деңгээлине жеткенде төлөө токтотулат.