БАЛДАРДЫН СПОРТТУК МЕКТЕБИ

БАЛДАРДЫН СПОРТТУК МЕКТЕБИ - мектеп жашындагы балдар үчүн дене тарбия ж-а спорт системасын уюштуруунун өркүндөтүлгөн формадагы атайын мекемеси. Ал комплекстүү (спорт­тун 2-5 түрү) же спорттун бир гана түрү боюнча адистештирилет. Балдардын спорттук мектеби КРдин билим берүү министрлигинин системасында ж-а спорттук коомчулуктарда түзүлүп, мектептеги дене тарбия­нын милдеттери м-н тыгыз байланыштуу. Аны кеңири жайылтуу жаштарды эмгекке ж-а Ата Мекенди коргоого жарамдуу даярдоого мүмкүн­дүк берет. Спорттун өздүк бөтөнчөлүгүнө ж-а ор­ганизмге тийгизе турган таасирине жараша ар түрдүү курактагы балдарга анын тигил же бул 4-100 түрлөрүнө: 7-8 жаштан баштап сууда сүзүү; 8-10 жаштан - тоодо лыжа тебүү, стол тенниси, бадминтон, сууга секирүү, шахмат, дойбу; 10-11 жаштан көркөм гимнастика, трамплинден секирүү, парустук спорт, акробатика, спорттук гимнастика, баскетбол, волейбол, футбол, топ м-н хоккей ойноо; 12-13 жаштан лыжа м-н жа­рышуу, жеңил атлетика; 13-14 жаштан классикалык ж-а эркин күрөш; 14 жаштан атыш, бокс; 15-16 жаштан оор атлетика ж. б. катышып, машыгуу сунуш кылынат.