ДИСПУТ

ДИ́СПУТ (лат. disputāre – ой жүгүртүү, тала­шуу) – 1) oкуучулардын логикалык ой жүгүр­түүсүн өстүрүүчү ж-а адептик тарбия берүү иш­теринин (класстан тышкаркы) өзүнчө түрү. Окуучулар абдан кызыккан ж-а аларды толкун­датуучу орчундуу маселелер Д. темасы катары тандалып алынат. Д. окуучулардын дүйнөнү та­анып-билүүдөгү жеке түшүнүгүн кеңейтип, тал­куулаган илим тармагын туура түшүнүүгө мүм­күнчүлүк түзөт; 2) түрдүү көз караштагы оку­муштуулар, жазуучулар ж. б. адамдардын ор­тосундагы талаштар; 3) ил. даража алуу үчүн диссертация коргоодогу талаш-тартыштар.