ЖАЛПЫ ТИЛ ИЛИМИ

ЖАЛПЫ ТИЛ ИЛИМИ – тил илиминин бир бөлүгү; максаты – тилдик кубулуштарды теор. жактан мүнөздөө ж-а аны изилдөө ыкмаларын негиздөө. Ж. т. и. тилди универсалдуу феномен катары анын табиятын, маңызын, жаралышын, тарыхый мыйзам ченемдүүлүктөрүн, коомдогу кызматын, башка илимдер м-н болгон каты­шын, структуралык ж-а социалдык түзүлүшүн изилдейт. Тилди структуралык жактан изил­дөөдө ал ар бир конкреттүү тилге тиешелүү ички мыйзам ченеми бар бир бүтүн структура катары каралат; социалдык жактан изилденгенде, тил­дин коомдук процесстер м-н байланышы, со­циалдык ж-а аймактык тарамдалышы, струк­туралык-стилдик вариациялуулугу ж. б. жак­тары иликтенет. Дүйнөлүк тилдерге бирдей мү­нөздүү жалпы касиеттерди аныктоо ж-а жалпы универсалдуулуктун ил.-теор., методол. неги­зин, принцип, аспектилерин белгилөө орчундуу маселе болуп эсептелет.