ЖАРАНДЫК КОРГОНУУ ШТАБЫ

ЖАРАНДЫК КОРГОНУУ ШТАБЫ – жапырт кыргын салуучу куралдардан сактануу ж-а алар­дын кесепеттерин жоюу багытында жарандык коргонуу күчтөрүнө ж-а калкка жетекчилик кылган башкаруу органы. Жарандык корго­нууга жетекчилик кылып, керектүү чараларды ишке ашыруу үчүн жарандык коргонуунун респ., крайлык, обл., шаар-райондук штабдары тү­зүлөт. Ж. к. ш. негизинен жарандык коргонуу­нун пландарын иштеп чыгат; душмандын кол салуу коркунучу ж-дө калкты, мекемелерди, уюмдарды алдын ала кабарлоо түйүндөрүн, эл­дин жапырт кырылуудан сактанышын уюшту­рат ж-а камсыз кылат; эл чарбасынын тиешелүү объектилерин кол салуу кырдаалында үзгүлтүк­сүз иштөөгө даярдайт. Бул милдеттерди так орундатуу үчүн Ж. к. ш. кол салуу коркунучу туулганда же согуш убагында жарандык корго­нуу б-ча кандай аракеттерди жүргүзүү керек эке­нин күн мурунтан пландайт. Кырг-нда Ж. к. ш-нын милдеттерин Өзгөчө кырдаалдар ми­нистрлигинин Жарандык коргонуу б-ча башкы башкармалыгы аткарат, к. Жарандык коргонуу.