ЖОРДАН

ЖО́РДАН Майкл Жеффри (17. 2. 1963-ж. т., АКШ, Нью-Йорк) – амер. баскетбол оюнчусу. 20-к-дагы дүйнөнүн эң мыкты баскетболчусу. Олимпия оюндарынын эки жолку (1984, 1992), Улуттук баскетбол ассоциациясынын алты жол­ку (1991–93, 1996–98) чемпиону. Түндүк Каро­лина ун-тинин, «Чикаго Буллс», «Вашингтон Уизардс» командаларында ойногон. Улуттук баскетбол ассоциациясынын эң мыкты оюнчу­су катары 5 жолу таанылып (1988, 1991, 1992, 1996, 1998), 14 жолу жылдыздар оюнуна тан­далган. 3 жолу «Слэмданк» конкурсуна танда­лып, эки жолу утушка (1987, 1988) ээ болгон. Ошондой эле «аба королу» деген наамга ээ бо­луу м-н, бүгүнкү күндө баскетбол тарыхында эң мыкты оюнчу катары саналат. 1993-ж. бейсбол оюнун да ойноп көргөн. Учурда Oakley Inc ком­паниясынын жетекчилеринин бири. М. Тыныбеков.