ИТЕРАЦИЯ

ИТЕРА́ЦИЯ (лат. iteratio – кайталоо) – кан­дайдыр бир матем. операцияны кайталап кол­донуу. Эгерде у = ƒ(х) =ƒ₁(х)хтен функция бол­со, анда ƒ₂(х)= ƒ[ ƒ₁(х)], ƒ₃(х) = ƒ[ƒ₂ (х)]..., ƒ_n(х) = ƒ[ƒ_n–1(х)] функциялары f(x) функциясы­нын тиешелүү түрдө 2-, 3-, ..., n-И-сы деп ата­лат, мис., f(x) = x^a болсо, ƒ(х) =(х^а)а=х^а2келип чыгат. n индекси И-нын көрсөткүчү, ал эми f(x) функциясынан f₂(x), f₃(x), ... функция­ларына өтүү И-лоо деп аталат. Функциянын кээ бир класстары үчүн каалагандай чыныгы ж-а ал түгүл комплекстик көрсөткүчтүү И-ны аныктоого болот. И. ар түрдүү теңдемелерди ж-а алардын системаларынын жакындашты­рылган чыгарылыштарын табууда колдонулат.