ЖОРЖТАУН

ЖО́РЖТАУН – Гайана Кооперация Республикасынын борбор шаары. Демерара-Махайка регионунун административдик борбору. Өлкөнүн түндүк-чыгыш бөлүгүндө, Атлантика океанынын жээгинде жайгашкан порт. Калкы 238,7 миң (2007). Өлкөнүн экономикалык борбору ж-а ири жолдор тоому. Эл аралык аэро­порту бар. Шаардын экономикасында тейлөө

Улуттук ассамблеянын имараты.

чөйрөсү басымдуулук кылат. Өлкөдөгү эң ири кант корпорациясы, бир нече алдыңкы компа­ниялар (анын ичинде финансы ж. б.), тамак-аш (анын ичинде кант, ром, пиво), тамеки, жыгаччылык өнөр жай иш­каналары иштейт. Университет, техникалык институт, коллеждер, Карнегинин экономикалык мектеби, калк китепканасы, музейлер (улуттук, антропология), театр («Гилд тиэтр»), улуттук маданий борбор бар. Шаарды 1781-жылы англичандар негиздеп, Георг IIIнүн ур­матынан аташкан, 1784-жылы Голландиянын Түштүк Америкадагы ээлигинин борбору болуп, алар та­рабынан Стабрук (Таброк) деп аталган. 19-кылымдын башынан англичандардын ээлигине өткөн. 1812- жылдан азыркы атында аталат. 1831–1966-жылдарда Британиялык Гвиананын, 1966-жылдан Гайа­нанын борбору. Ыйык Андрей (1811–18), жы­гачтан салынган Сент-Жорж англикан (1889–94) ж-а католиктердин соборлору (1915–20), Улуттук ассамблеянын имараты (1829–34), рату­ша (1887–89) ж. б. сакталган. Ботаникалык бак, зоо­парк уюштурулган.