ИШЕКЕЕВ

ИШЕКЕЕВ Назаркул (18. 2. 1955-жылы туулган. Нарын облусу Кочкор району, Төрт-Күл айылы) – педагог, педагогика илимд. доктору (1994), профессор (1996), КР эл агартуусунун отличниги (1988). КМУнун филология факультетин бүтүргөн (1976). Бишкек шаар­дык № 3 музыкалык орто мектепте мугалим (1976), «Ленинчил жаш» гезитинде адабий кызматкер, 1977-жылдан КМУда окутуучу, ага окутуучу (1983–85), доцент (1986–95), декан (1995–2007), ошол эле учурда кыргыз тилин жана адабиятын оку­туунун методикасы кафедрасынын башчысы (1998–2000) болуп эмгектенген. 2008-жылдан ошол эле жерде кайрадан кафедра башчысы. Анын кыргыз адабиятын окутуунун тарыхы жана анын актуалдуу маселелери, методика илими­нин өнүгүшү жана калыптанышы, прозалык чы­гармаларды мектептерде окутуунун мазмуну жана формалары жана башка маселелерге арналган 200гө жакын илимий эмгектери, монография, окуу китеп­тери бар.

Эмг.: Жалпы билим берүүчү орто мектептерде эпи­калык чыгармаларды окутуунун методикасы. Ф., 1988; Кыргыз адабиятын мектептерде окутуунун тарыхы. Б., 1994; Кыргыз адабиятынын окуу китеп­тери: өткөнү, бүгүнкүсү жана келечеги. Б., 2010.