ИШЕМКУЛОВ

ИШЕМКУЛОВ Тилектеш (20. 8. 1939-жылы туулган. Ысык-Көл облусу, Жети-Өгүз району, Ырдык айы­лы) – коомдук жана саясий ишмер, КРдин мадания­тына эмгек сиңирген ишмер (1993), КРдин элге билим берүүсүнүн отличниги (1987). Пржевальск мамл. пед. ин-тту бүтүрүп, Барскон орто мектебинде мугалим (1962–63), комсомолдун Жети-Өгүз рай­комунун 1-секретары (1963–65), Кыргызстан ЛКСМ БКнын секретары (1967–72), Кыргызстан КП БКнын маданият бөлүмүнүн башчысынын орун басары (1972 –73), партиянын Нарын обкомунун секре­тары (1980–84), КПСС БКнын алдындагы Коом­дук ИАнын угуучусу (1978–80), партиянын Ысык-Көл обкомунун секретары (1980–84), «Со­веттик Кыргызстан» («Кыргыз туусу») гезити­нин башкы редактору (1986–93), КР Жогорку Кеңешинин депутаты (1986–95), КРдин Казак­стандагы Атайын жана толук ыйгарым укуктуу элчиси (1993–96), Кыргызстан – Пакистан дос­тук коомунун президенти (1986), КРдин жазуу­чулар союзунун (1996-жылдан) мүчөсү жана жур­налисттер союзунун (1986–93) төрагасы, БГУнун журналистика кафедрасынын башчысы, профессор (1999), 2001-жылдан ректордун кеңешчи­си. Ишемкулов кыргыздын атактуу адамдары тууралуу китептердин, монографиялардын редактору, 200дөн ашуун макалалардын, котормолордун, адабий сындардын автору. «Ардак Белгиси» ор­дени, «Эмгектеги каармандыгы үчүн» жана башка ме­далдар менен сыйланган.