ВИВЕС

ВИ́ВЕС (Vives) Хуан Луис (6. 3. 1492, Валенсия – 6. 5. 1540, Брюгге) – испан философу, гуманис­ти ж-а педагог. Католикалык Лувен ж-а Окс­форд университеттеринин профессору, латын тилиндеги 60ка жакын эмгектердин автору. Эразм Роттер­дамский ж-а Томас Мор м-н достук мамиледе болгон. Өзүнүн «Жан жана өмүр жөнүндө» («De anima et vita», 1538) аттуу эмгегинде психоло­гия илимине жаңы жол салган. Эң башкы масе­ле: жан бар экенинде эмес, анын кандайча кө­рүнүшүндө деген. Айрыкча идеялардын ассоциа­циясы (өз ара айкалыш байланыштары) м-н жады (эстутум) табияты тууралуу маселелер­дин үстүндө олуттуу иштерди жүргүзгөн. Ошон­дуктан Вивес жаңы эмпирикалык психологиянын атасы деп эсептелген. Я. А. Коменскийге ж-а И. Лойоланын педагогикалык теориясына Вивестин таасири тийген. Анын идеялары испан филосо­фу Уартенин чыгармачылыгында андан ары өнүктү­рүлгөн.

А. Бекбоев, Т. Абдылдабеков.