ДЕМОНОПОЛИ ЗАЦИ Я

ДЕМОНОПОЛИЗА́ЦИЯ – атаандаштыкты өнүктүрүүгө багытталган ж-а монополиянын функциясын чектөөчү экономикалык саясат­тын чегиндеги иш-чара жыйындысы. Демонополизация, адат­та, мамлекеттин эки багытта жүзөгө ашырылуу­чу монополияга каршы саясатынын натыйжа­сы болуп саналат. Биринчи багыт рынокторду ырааттуу эркин коё берүүнү түшүндүрөт. Жөнгө салуунун бул ыкмасы монополияга каршы ал­дын алуу чарасы катары колдонулат. Ал ири бизнес үчүн пайдасыз болууну көздөйт. Ошону м-н катар эле чакан ж-а орто бизнести колдойт. Демонополизациянын экинчи багыты монополияга таасир этүү ыкмаларын бириктирет. Ал монополияга административдик көзөмөл чараларын камтыйт, анын ичинде‚ эгер моно­полияга каршы мыйзамдар аткарылбаса‚ баа­ны жөнгө салуу‚ продукциянын көлөмү ж-а са­паты‚ финансы санкциялары колдонулат. Кырг­ызстанда мамлекеттик монополизм үстөмдүк кылып келген­диктен‚ ал өзүнчө өзгөчөлүккө ээ‚ ошондуктан Демонополизация негизинен монополияга каршы тура турган атаандаш рынок структурасын түзүүгө ж-а өнүктүрүүгө багытталууга тийиш.