ЖЫРГАЛБЕКОВ

ЖЫРГАЛБЕКОВ Турду (30. 12. 1932-жылы туулган, На­рын облусу, Ак-Талаа району, Коңорчок айылы) – тарыхчы-журналист, тарых илимдеринин доктору (1998), профессор (2003). КРдин маданиятына эмгек сиңирген ишмер (2002). Кыргыз мамлекеттик педагогика институтун (1955), КПСС БКнын Москва жогорку партиялык мектебин (1961) бүтүргөн. 1955–56-жылдарда Ак-Талаа районунун Жеңиш орто мектебинде мугалим, 1956–57-жылдарда Ак-Талаа райондук билим берүү бөлүмүндө инспек­тор, 1957–58-жылдарда райондук гези­тте редактор, 1961–63-жылдарда Ош облустук «Ленин жолу» гезитинде редактордун орун басары, 1963– 68-жылдарда Кыргызстанн КП Ош обкомунда бөлүм башчы­нын орун басары, 1968–73-жылдарда Кыргыз ССР Министрлер Советинин төрагасынын жардамчы­сы, 1973–76-жылдарда Кыргызстан КП БКда инспектор, 1976–86-жылдарда Кыргызстан КП Кант, Чүй райкомдорун­да 2-, 1-секретарь, Кант райондук аткомунун төра­гасы, 1986–93-жылдарда КРдин туризм боюнча кеңеши­нин төрагасы, 1993–98-жылдарда «Бишкек турбазасы» АКтын генералдык директору, 1993-жылдан туризм, бизнес ж-а менеджмент, экономика ж-а коммерция институттарында профессор, кафедра баш­чысы, КМУда окутуучу, профессор. 100дөн ашык ил. эмгектин (анын ичинде 10 монография, 2 окуу куралы ж. б.) автору. Кыргыз ССР Жогорку Совети­нин депутаты (1985–90). Кыргыз ССР эл агартуу отличниги. Россия укук коргоо ж-а коопсуздук­ту сактоо проблемасы академиясынын акаде­миги. «Даңк» ж-а Улуу Пётр медалдары м-н сый­ланган.