ЖЭЭРЕНЧИ

ЖЭЭРЕНЧИ (2004-ж. чейин Л е н и н-Ж о л) – Ош обл-нун Өзгөн р-нундагы кыштак. Жазы айыл округуна караштуу. Деңиз деңг. 1010 м бийикте жайгашкан. Райондун борбору Өзгөн ш-нан 15 км чыгыш тарапта. Кара-Суу т. ж. бекетинен 60 км. Кыштак 1930-ж. негизделген. Калкы 2715 (2009); негизинен дыйкан чарбасын­да эмгектенет. Орто мектеп, китепкана, ФАП, клуб бар. Турмуш-тиричилик кызматынын бөлүмдөрү, соода түйүндөрү, мончо иштейт. Кыштакта Соц. Эмг. Баатыры Ж. Мойдунов туулган.