ЗООЛУ

ЗООЛУ – күнөөлүү деп эсептелген, камакка алынган адамдардын колу-бутуна, моюнуна са­лына турган кишен. Ал жоон чынжырлар м-н бириктирилген бекиме темир билериктер түрүндө жасалган. З-нун колго, бутка же экөөнө тең салынуучу, о. эле бутка, колго, моюнга чогуу салынуучу түрлөрү болгон. З-нун билерикчеле­ринин ар биринин өзүнчө ачкычы болуп, бир З. эки, төрт ж-а беш ачкыч м-н ачылган. З. салынган кишини ошо бойдон оор жумуш иш­төөгө мажбурлашкан. З. илгерки заманда Кы­тайда, Чыңгызхандын мамлекетинде, Иранда, падышалык Россияда сүргүнгө айдалган адам­дарга кеңири колдонулган.