ГЕОМЕТРИЯЛЫК ОРТО САН

ГЕОМЕТРИЯЛЫК ОРТО САН – $a_{1},a_{2},...,a_{n},$ оӊ сандардын көбөйтүндүсүнөн $n$ – даражадагы арифметикалык тамырдан чыгарылган сан, башкача айтканда ${\sqrt[{n}]{a_{1}a_{2}...a_{n}}}$. Алынган сандар бири-бирине барабар болгондон башка учурда, геометриялык орто сан дайыма арифметикалык орто сандан ${a_{1}+a_{2}+...+a_{n} \over n}$ кичине болот. Эгерде алынган сандар барабар болсо, анда алардын геометриялык орто саны арифметикалык орто санга барабар. $a$ жана $b$ сандарынын геометриялык орто саны ${\sqrt {ab}}$ жана о р т о г е о м е т р и я л ы к же о р т о п р о п о р ц и я л а ш сан деп аталат.