БУЛАК

БУЛАК , б а ш а т, к а й н а р – жер астынан өзү агып чыккан суу; жер астындагы суулардын жердин үстүнө же жер үстүндөгү суунун (агын суунун, саздын, көлмөнүн, көлдүн, деӊиздин) түбүнө концентрацияланып чыгышы. Булак ар кандай көрсөткүчтөрү жана касиеттери, ошондой эле ошонун ичинде пайда болушу, дебити, жер үстүнө чыгуу шарттары, туруктуулугу, химиялык курамы, температурасы б-ча бир топ түргө бөлүнөт. Мисалга, гидродинамикалык касиеттери б-ча «атырылып чыгуучу» ж-а «агып чыгуучу» болуп экиге бөлүнөт; хим. курамы б-ча тузсуз ж-а туздуу сууларга; темп-расы б-ча кайнаган, гипертермалдуу, термалдуу, субтермалдуу же жылуу, муздак, өтө муздак, муздуу, терс темп-радагы болуп бөлүнөт. Айрыкча тоо тектердин жаракаларынан ж-а карстардан чыккан Б-тын дебити жогору. Б. тоолуу аймактарда көп. Тузсуз; мал сугарылат, кээде сугат үчүн керектелет. Минералдуу ж-а арашан Б-тын дарылык касиети бар. Кырг-нда Б-тын дээрлик бардык түрү кездешет.
Ө. Бараталиев.