БИОЭНЕРГЕТИКА

БИОЭНЕРГЕ́ТИКА – 1) организмдердин тиричилик процесстеринде энергиянын өзгөрүшүн изилдөөчү илим; биологиянын бир тармагы. Бул багыттын башаты немец врачы Ю. Р. Майер тарабынан энергиянын сакталуу ж-а өзгөрүү закону ачылгандан башталган. Ал эми 1841-ж. энергиянын сакталуусу ж-а өзгөрүүсү адамдын организминде болуучу процесстерде изилденген. 2) Энергетиканын биол. отунду колдонууга негизделген түрү; калыбына келүүчү энергиянын булагы. Мис., биогаздын курамына метандын аралашмасы (60–70%) ж-а көмүркычкыл газы (30–40%) кирет; о. эле кээде күкүрттүү суутек (3%ке чейин) кошулат. Биогаз атайын аппараттарда метандын кычкылдануусунан пайда болот. У. Андашев.