ВИДЕОМАГНИТОФОН

ВИДЕОМАГНИТОФО́Н – сүрөттөлүштү ж-а үн сигналдарын магниттик тасмага же компакт­дискке жазып алып, чогуусу м-н телекөрсөтүү программаларынан кайра көрсөтүүчү аппарат.

Биринчи В. 1956-ж. амер. «Ampex Corporation» фирмасы тара­бынан чыга­рылган. Үй ти­ричилик В-дору 1970-жылдарда пайда боло баш­тады. В. кадим­ки магнитофон­го окшош, би­рок анда бетине видеожазуу жазыла турган сап түшүрүлгөн эндүү магнит тасмасы (эни 12,7 же 50,8 мм) пайдала­нылат. Сүрөттөлүштү коштоочу үн сигналдары В-дун кыймылсыз магниттик бөркү м-н тасма­нын бир четин бойлото жазылат. Бөрктүү диск­тин айлануусу м-н тасманын бирдей синхрондуу жылышы автоматтык жөндөгүч система аркы­луу аткарылат.