ВУЧЕТИЧ

ВУЧЕ́ТИЧ Евгений Викторович [15(28).12. 1908, азыркы Днепропетровск шаары – 1974, Москва] – скульптор, СССР эл сүрөтчүсү (1959), СССР көр­көм сүрөт академиясынын анык мүчөсү (1953), Социалисттик Эмгектин Баатыры (1967). Совет мамлекетинин

тарыхындагы эң маанилүү окуяларды жалпы­лап берүү менен доордун алдыңкы идеяларын ча­гылдырууга умтулган.

Трептов-парктагы (Берлин) фашизмге каршы согушта кур­ман болгон Советтик Армиянын жоокер­лерине арналган эс­телик-ансамблдеги жоокер-бошотуучу­нун статуясы.

Ал түзгөн образдар көп учурда баатырдык-символдук мааниге ээ болгон. Бул анын совет элинин Улуу Ата Мекендик со­гуштагы каарман күрөшүн көрсөткөн белгилүү чыгармаларынан айкын көрүнөт: генерал-лей­тенант М. Г. Ефремовдун Вязьмадагы эстелиги (1946; 1947-жылдары СССР мамлекеттик сыйлыгын алган), кур­ман болгон советтик жоокерлерге Берлиндин Треп­тов паркында тургузулган эстелик-ансамбль (коло, гранит, 1946–1949, архитектор Я. Б. Белопольский жана башкалар менен бирге), «Сага ант беребиз, Ленин…» деген горельеф (1949, башка авторлор менен бир­ге, 1950-жылы СССР мамлекеттик сыйлыгын алган), Мамаев дөбөсүндөгү (Волгоград) «Сталинград салгыла­шынын баатырларына» эстелик-ансамбли (те­мир-бетон, 1963–1967, Я. Б. Белопольский жана башкалар менен бирге; Лениндик сыйлык, 1970-жыл). Вучетич портрет жанрында да ийгиликтүү эмгектенген. Эки жол­ку Советтер Союзунун Баатырлары И. Д. Черняховский­дин (коло, гранит, 1945), В. И. Чуйковдун (мра­мор, 1947) жана Т. Т. Хрюкиндин (мрамор, 1948), Социалисттик Эмгектин Баатыры Н. Ниязовдун (коло, 1948) портреттери үчүн СССР мамлекеттик сыйлыгы (1946, 1948, 1949, 1950), Индия саясий ишмерлеринин порт­реттери үчүн Неру атындагы сыйлыгы (1958) ыйгарылган. Эки Ленин ордени, II даражадагы Ата Мекен­дик согуш ордени жана медалдар менен сыйланган. Ад.: Лебедев П. И. Е. Вучетич. Альбом. М., 1960.

Вологда шаарындагы «Мекен эне чакырат» айкели.