БАЙКУШ СЫМАЛДАР

БАЙКУШСЫМАЛДАР (Саргішііді Іөгшез) - фи­логенези үкү сымалдарга жакын куштар түр­күмү. Тумшугу кыска, оозунун кыйыгы чоң. Күүгүмдө ж-а түнкүсүн активдүү. 93 түрү, 5 ту­куму, а. и. гуахаро, алп чоң байкуштар ж-а кадимки байкуштар (козодойлор) белгилүү. Жу­мурткасын ургаачысы ж-а эркеги басат. Ка­димки байкуштун канаты ж-а куйругу кыска, жүнү жумшак, түсү коргонуу кызматын атка­рат. Учканда үн чыгарбайт. Көзү чоң. Бутакты бойлой конушат.

Анын 18 уруусу, 70 түрү кеңири та­ралган. Мээлүүн кеңдикте жаша­гандары - келгин куштар. КМШ өлкөлөрүндө 3 түрү кездешет. Кадимки байкуш чыгышта таралган, дене уз. 28 см ге чейин жетет. Токой четинде, кыйылган токойдо ж-а токойсуз ээн жерлерде жашайт. Жумурткасын жердеги чуңкурга тууйт. Бала­пандары калың тыбыт м-н капталган. Май ко­ңузу м-н азыктанат.