БАКТЕРИОЛОГИЯ

БАКТЕРИОЛОГИЯ (бактериялар ж-а ...ло­гия) - микробиологиянын бактерияларды изил­дөөчү бөлүмү. Ал өзүнчө бир катар тармактар­дан турат. Ж а л п ы б а к т е р и о л о г и я. бактериялардын мор­фологиясын, физиологиясын, биохимиясын, өз­гөргүчтүгүн, тукум куугучтугун, жаратылышта таралышын, ар кандай азык чөйрөдө өсүшүн, ошондой эле айлана-чөйрө факторлорунун аларга тий­гизген таасирин ж. б. изилдейт. М е д и ц и н а ж-а в е т е р и н а р и я бактериологиясы патогендүү оору козгоочу бактериялардын биологиясын, касие­тин, ошондой эле иммунитет, диагностика маселеле­рин изилдеп, киши ж-а жаныбардын жугуш­туу ооруларын дарылоо, алдын алуу үчүн атайын заттарды иштеп чыгат. А й ы л ч а р б а б а к т е р и о л о г и я с ы кыртышты жакшыртууга ж-а түшүмдүү­лүктү жогорулатууга, тоют даярдоого (силостоо, ачытуу, нымдоо ж. б.) катышуучу бактерияларды изилдейт. Т е х н и к а л ы к ба к т е и о л о г и я спирт, органикалык ж-а амин кислотаталарын, фермент, антибиотик чыгарууда мааниси чоң.