БАЛТИКА КАЛКАНЫ

БАЛТИКА КАЛКАНЫ - Чыгыш Европа плат­формасынын түн.-батыш тарабындагы кембрий­ге чейинки мезгилде бүктөлүүгө дуушар болгон фундаменттан жер бетине чыгып жаткан аймагы. Россиядагы Карел Респ-сы, Мурма ж-а Ленинград облустарынын батыш бөлүктөрүн, Финляндия ж-а Швециянын аймактарын ээлейт. Б. к. архей м-н протерозой замандарынын ме­таморфизмделген ж-а татаал өзгөрүүлөргө, бүк­төлүүлөргө учураган гнейс, кристаллдуу сланец сыяктуу тоотектерден турат. Б. к-нда темир (Швеция), жез-никель ж-а апатит (Хибинде, Россия) кендери бар.