БАКЕ МАРМАР КЕНИ

БАКЕ МАРМАР КЕНИ Нарын облусунун Кочкор районунда, Кочкор кыштагынан 14 км түндүктө, Чүй дарыясынын оң өйүзүндө, Кара-Тоо тоосунун түндүк.-батыш капталында. Кен 1928-жылы табылып, 1957-жылы геологиялык чалгындоо жүргүзүлгөн. Мармар катмары таш көмүр мезгилинде пайда болгон чөкмө тек­тердин арасында түндүк-чыгышка карай созулуп жатат. Калыңдыгы 23-50 м, узундугу 500-800 м. Өңү ак, боз, жол-жол темгилдүү. Майда кристал­лдуу, өтө жаракалуу, монолиттердин өлчөмү 0,006-0,01 м³. Жакшы сайкалданат. Мармар кү­күм түрүндө колдонулат. Жалпы запасы С₁ ж-а С₂ категориялары боюнча 3987 миң м³. Дубал­дарды каптоого, белек буюм жасоого жа­рактуу. 3-100.