БЕКЕТОВ Андрей Николаевич

БЕКЕ́ТОВ Андрей Николаевич [26.11.(8.12). 1825, Россия, Пенза губерниясы, Новая Бекетовка – 1(14).7. 1902, Москванын жаны] – орус бота­ник-эволюционисти, өсүмдүк морфологиясын ж-а географиясын негиздөөчүлөрдүн бири; рос­сиялык ботаниктердин илимий мектебин уюшту­руучу; Петербург ИАнын корреспондент-мүчөсү (1891), ар­дактуу мүчөсү (1895). Казан университетин бүтүргөн (1849). Харьков университетинде профессор (1863–97), Санкт- Петербург университетинин ректору (1876–83), ошол университеттин алдында ботаникалык бак ж-а гербарий уюш­турган. «Ботанические записки» журналын уюштуруучулардын бири. Аялдар жогорку кур­сун уюштурган ж-а жетектеген (1878-жылдан). Өсүмдүктүн вегетациялык органдарынын түзү­лүш закон ченемин, өсүмдүктүүлүктүн алкактуу­лук маселелерин ж-а жандуу табияттын бүтүн­дүүлүгүн изилдеген. К. А. Тимирязев, В. Л. Кома­ров, И. Ф. Шмальгаузен анын окуучулары бол­гон. Жогорку мектептер үчүн көптөгөн окуу китептердин автору.

Эмг.: Курс ботаники. Морфология и географические распределение семейств... СПб., 1889.