БЕКМУРАТОВ

БЕКМУРАТОВ Саид (1901, Карасуу р-ну, Жыл­келди кыш. – 1.2.1966, Фрунзе) – белгилүү кыл­кыякчы, Кыргыз ССРинин эмг. сиң. арт. (1939). Кыргыз мамл. драма театрында (1934–36), Кыр­гыз мамл. филармония­сында (1936–61), Фрунзеде­ги М. Күрөңкөев атн. муз-хо­реогр. окуу жайында (1961) иштеген. Элдик ырларды, күүлөрдү кылкыяктын кош­тоосунда ырдоону, күү тар­тууну Калыбай, Нармат, Айдараалы, Муратаалыдан өздөштүргөн.

Ал кылкыяк­чылардын «Керөзөн», «Бе­карстан тайчы», «Ак ток­ту», «Ат кетти», «Шырдакбектин боз жорго» аттуу күүлөрүн устаттык м-н тарткан. Өзү «Сыр­даш», «Тизгин күү», «Кул пенде», «Кедейдин ар­маны», «Чуу басар» ж. б. күүлөрдү чыгарган, «Паризат», «Бери чык», «Эки жол», «Жол жү­рүш» аттуу элдик ырларды аткарган. Кыргыз радиосунун алтын казынасына 20дан ашык күү­лөрдү, ырларды жаздырган. Кылкыякты мык­ты чапкан уста да болгон. Кыздардын кылкы­якчылар ансамблин уюштурган. Кыргыз ад-ты м-н иск-восунун Москвада өткөн эки он күндү­гүнүн (1939, 1958) катышуучусу. «Ардак Белги­си» ордени, медалдар м-н сыйланган.

Ад.: Алагушов Б. Кылымдардын кылдары. Б., 2005.