БЕТОН ИШТЕРИ

БЕТО́Н ИШТЕРИ – бетон ж-а темир-бетон констр-ларын, курулмаларын тургузууда ат­карылуучу курулуш иштеринин комплекси. Аларга төмөнкүдөй негизги процесстер кирет: бетон аралашмасын даярдоо, аны курулуш аян­тына жеткирүү, калыпка (опалубка) куюп, ты­гыздоо ж-а анын кургап катышына шарт түзүү, о. эле калыпты алып таштоо. Бетон аралашма­сын даярдоодо алгачкы материалдын сапаты, курамын түзүүчү заттарды туура ж-а так тан­доо ж-а жакшылап аралаштыруу мааниге ээ. Бетон аралашмасы атайын жайдагы бетон ара­лаштыргычта даярдалат, анын компоненттери (цемент, толтургучтар, суу ж-а ар кандай ко­шумчалар) 1–2 %ке чейинки тактыкта ченелет. Бетон аралашмасы жетишсиз аралаштырылса, бетондун касиети начарлап, анын бышыктыгы төмөндөйт. Бетонду «кароо» – темп-ранын ре­жимин кармоо, темп-радан болуучу деформа­цияны болтурбоо аракети, катып жаткан бе­тонду уруудан сактоо ж. б. Бетондун ачык жер­лерин суулап, бетин жаап, кышында жылуу­лап туруу натыйжалуу болуп эсептелет.