БЁРНС

БЁРНС Роберт (25.1.1759, Шотландия, Алоуэй кыш. – 21.7.1796, Дамфрис ш.) – шотланд акы­ны. Жаштайынан жакырчылыктын каарын тарткан. Өзалдынча окуп билим алган. Шот­ландиянын элдик ырларына шыктанып, 15 жа­шынан ыр жаза баштаган. Жерг. чирк өө төбөлдөрүн келекелеген «Эки койчу» (1784), «Со­пусунган Виллинин сыйынуусу» (1785) аттуу сатиралык поэмаларын жазган. «Негизинен шотланд диалектисинде жазылган ырлар» (1786) деген биринчи китеби аны атак-даңкка бөлөгөн. «Брюс – шотландиялыктарга» деген патриоттук гимндин, «Шайыр жакырлар» кан­татасынын, гражд. ж-а ашыктык лириканын («Эркиндик дарагы» ж. б.) автору. Ал өзүнүн поэзиясы м-н байланышкан Шотландиянын муз. ж-а поэзия фольклорун чогултуп, басма­га даярдаган. Анын лирикасындагы негизги жанр – ыр. Б-тин ырлары 19-к-дын башынан орусчага которула баштаган. Айрым ырлары кыргыз тилине да которулган.